میكانیزمی جێبه‌جێ كردنی ڕێنمایی ( وه‌رگرتنی ڕاسته‌وخۆی زانكۆیی ) ژماره‌ (١٠)ی ساڵی ٢٠١٦ زانکۆی کۆیە

زانکۆی کۆیە
یەکەم: دابەش كردنى فۆڕمى وەرگرتن 
١-دابەش كردنى فۆڕمى وەرگرتن لە بەڕێوەبەرايەتى تۆمارگاى گشتى زانكۆ دەبێت، لە ڕۆژى يەكشەممە ( ٧/٢٤/ ٢٠١٦) دەست پێدەكات تاوەكو ڕۆژى چوارشەممە (٣١/٨/٢٠١٦) بەردەوام دەبێت.
٢- دواى پڕكردنەوەى فۆڕمەكان خوێندكار دەبێت فۆڕمەكەى بگەڕێنێتەوە بۆ بەڕێوەبەرايەتى تۆمارگاى گشتى زانكۆ، وە دوا كات بۆ گەڕاندنەوەى فۆڕمەكان بۆ دەرچوانى خولى يەكەم بريتيە لە ( ٥/٩/٢٠١٦)، وەبۆ دەرچوانى خولى دووەم بريتيە لە هەفتەيەك دواى دەرچوونى ئەنجامەكانى خولى دووەم.
٣- له‌كاتی گه‌ڕاندنه‌وه‌ی فۆڕمه‌كان پێویسته‌ خوێندكار وێنه‌یه‌كی خۆی له‌گه‌ڵ خۆیدا بهێنێت.
دووەم: مەرجەكانى وەرگرتن لەبەشە زانستيەكان
١- بەشى خوێندنى ئاينى:
 أ- ڕێژەى (٦٠%)ى كورسيەكانى ئەم بەشە بۆ دەرچوانى ئامادەيى لقى ێژەيى و زانستى تەرخان دەكرێت، نابێت داواكار نمرەى وانەى زمانى عەرەبى لە (٦٥) كەمتربێت لە خولى يەكەم يان دووەم. ب- ڕێژەى (٤٠%)ى كورسيەكان بۆ دەرچوانى ئامادەييەكانى خوێندنى ئيسلامى سەر بە وەزارەتى پەروەردە تەرخان دەكرێت، بەمەرجێك كۆنمرەيان لە (٧٠) كەمتر نەبێت و نمرەى لە وانەكانى زمانى عەرەبى و فيقه (اللغة العربية والفقه) لە (٧٠) كەمتر نەبێت. 
٢- بەشى زمانى عەرەبى:
داواكار دەرچووى ئامادەيى لقى وێژەيى يان زانستى بێت و نمرەى وانەى زمانى عەرەبى لە (٦٥) كەمتر نەبێت لە خولى يەكەم يان دووەم. 
٣- بەشى پەروەردەو دەرونزانى:
داواكار دەرچووى ئامادەيى لقى وێژەيى يان زانستى بێت، ڕێژەى (٥٠%)ى كورسيەكان بۆ لقى زانستى تەرخان دەكرێت، وە (٥٠%)ى بۆ لقى وێژەيى. 
٤- بەشى زمانى كوردى:
داواكار دەرچووى ئامادەيى لقى وێژەيى يان زانستى بێت و نمرەى وانەى زمانى كوردى لە (٧٠) كەمتر نەبێت لە خولى يەكەم يان دووەم.
٥- بەشى مێژوو:
داواكار پێويستە تەنها دەرچووى ئامادەيى لقى وێژەيى بێت و نمرەى وانەى مێژووى لە (٦٥) كەمتر نەبێت لە خولى يەكەم يان دووەم.
٦- بەشى جوگرافيا:
داواكار دەرچووى ئامادەيى لقى وێژەيى يان زانستى بێت و نمرەى وانەى جوگرافياى لە (٦٥) كەمتر نەبێت لە خولى يەكەم يان دووەم.
٧- بەشى ئينگليزى:
داواكار دەرچووى ئامادەيى لقى وێژەيى يان زانستى بێت و نمرەى وانەى ئينگليزى لە (٧٠) كەمتر نەبێت لە خولى يەكەم يان دووەم. 
سێهەم: تاقيكردنەوەو چاوپێكەوتن
١-چاوپێكەوتن لە سەرجەم بەشەكان بەر لە تاقيكردنەوەى بە نووسين دەبێت و لە ڕۆژى (٢٠١٦/٩/١٨) ئەنجام دەدرێت، وە هەر خوێندكارێك لە چاوپێكەوتن دەرنەچێت مافى بەشداريكردنى نابێت لەتاقيكردنەوەى بەنوسين.
٢-تاقيكردنەوەى بەنوسين لەسەرجەم بەشەكان ڕۆژى پێنج شەممە (٢٠١٦/٩/٢٢) ئەنجام دەدرێت، پێويستە داواكار لە ڕۆژى تاقيكردنەوە ناسنامەى بارى كەسى و كارتى پۆلى شەشەمى لەگەڵ خۆى بهێنێت، بەپێچەوانەوە ڕێگاى پێنادرێت تاقيكردنەوە ئەنجام بدات.
چوارەم: ڕاگەياندنى ئەنجامەكان
١-ناوى وەرگيراوان بەشێوەى بەرايى لە ڕۆژى (٢٠١٦/٩/٢٧)  لەلايەن زانكۆوە ڕادەگەيەندرێت.
٢-ڕۆژى (٢٧ – ٢٨ / ٢٠١٦/٩) تەرخان دەكرێت بۆ پێشكەش كردنى گازاندە.
٣-ڕۆژى (٢٠١٦/١٠/٥) ناوى كانديدەكان دەنێردرێت بۆ وەزارەتى خوێندنى باڵا.

بۆ زانیاری زیاتر سەردانی زانکۆی کۆیە بکەن 

یان سەردانی ماڵپەڕی زانکۆی کۆیە بکەن 

بڵاویبکەررەوە لە

هەواڵی پەیوەندیدار

هەواڵی داهاتوو
هەواڵی پێشوو
Next Post »

3 تێبینیەک بنووسە

تێبینیەک بنووسە